حوسییەکان: گەیشتن بە ئاگربەست لە غەززە رێگر نابێت لەوەی وەڵامی ئیسرائیل بدەینەوە

حوسییەکانی یەمەن رایانگەیاند: گەیشتن بەرێککەوتنی ئاگربەست لەغەززەش، ڕێـــگر نابێت لەوەی وەڵامی ئیسرائیل بدەنەوە .
ئەندامێکی مەکتەبی سیاسی گروپی ئەنساروڵای یەمەنی کە بەحوسییەکان ناسراون رایگەیاندووە: پێشوازیدەکەن لەرێککەوتنێک کە لەرێیەوە گەمارۆ لەسەر غەززە ھەڵبگیرێت و دەستگیرکراوەکانی غەززە لەلایەن ئیسرائیلەوە ئازادبکرێن، بەڵام تەئکیدیکردووەتەوە لەوەی، ئەو ھەنگاوە ڕێـــگر نابێت لەوەی گروپەکانی یەمەن و لوبنان و عێراق و ئێران وەڵامیان دژی ئیسرائیل ھەبێت .
باس لەوەشدەکات: وەڵامەکەیان بۆ کوشتنی ئیسماعیل ھەنییە سەرۆکی مەکتەبی سیاسی حەماس بەڕێوەیەو وەڵامێکی یەکلاکەرەوە دەبێت .