وەزارەتی تەندروستیی فلیپین حاڵەتێکی توشبوون بە ئاوڵەی مەیمون رادەگەیەنێت

وەزارەتی تەندروستی فلیپین بڵاویکردەوە: حاڵەتێکی توشبوون بەئاوڵەی مەیمون لەوڵاتەکەیان تۆمارکراوەو ئەوەی سەیرە، کەسەکە گەشتی دەرەوەی وڵاتیشی نەکردووە.
دەشڵێت: ئەو کەسەی تووشبووە پیاوێکی 33 ساڵە، زیاتر لەهەفتەیەکە نیشانەکانی تێدا دەرکەوتووە، سەرەتا تای بەرزبووەتەوەو دوای چوار رۆژ نیشانەکانی ئاوڵەی مەیمون لەسەر جەستەو ڕووخساری دەرکەوتوون، دوای پشکنین دەرکەوتووە تووشی ئاوڵەی مەیمون بووە.
لە نیشانە دیارەکانی ئاوڵەی مەیمون سووربوونەوەی پێست و دروستبوونی برینە لەسەر پێست، ئازاری سەرو ماسولکەکان و کەمبوونەوەی وزەیەو ڕەنگە دوو بۆ چوار هەفتە بخایەنێت.
ئەمە دووەم حاڵەتی توشبوون بەئاوڵەی مەیمونە کە لەکیشوەری ئاسیا تۆماردەکرێت، دوای ئەوەی بۆ یەکەم جار لەپاکستان تۆمارکرا.