شاخەوان عەبدوڵا جێگری سەرۆکی ئەنجومەنی نوێنەران لە ڕاگەیەندراوێکدا ئاماژه‌ی بۆئه‌وه‌كردووه كه:" ئەمڕۆ لەگەڵ محەمەد شیاع سودانی گفتوگۆیانکردووە و سودانی بڕیاری دا بە خەرجکردنی مووچەی مانگی تەمموز و ئابی ھێزە ئەمنییەکانی ھەرێم.
باسی له‌وه‌شكردووه كه:" دوو پێشنیازی لەبارەی گرفتی مووچەی فه‌رمانبه‌رانی ھەرێمەوە خستووەتە بەردەم سه‌رۆك وه‌زیران"
لەبارەی پێشنیازی یەکەمەوە دەڵێت:" ئەوانەی دووجار ناویان له لیستی مووچه‌دا ھاتووە، ئەوانەن کە فەرمانبەرن لە ھەرێم و مووچەی چاودێریی کۆمەڵایەتییان ھەیە، نوسراو ئاڕاستەی وەزارەتی کاری فیدراڵ بکرێت بۆ ئەوەی موچەیان ببڕێت نەک بڕینی موچەکانیان کە سەر بە حکومەتی ھەرێمە."
پێشنیازی دووەمیش لەبارەی ئەوانەوە بووە کە بایومەتریان نەکردووە و دەڵێت:" بە سودانی ڕاگەیاندووە، ئەوەی بایۆمەتری نەکردووە، نابێت مووچەی ببڕدرێت، بەڵکو گشتاندنێک بکریت بۆ سەرجەم فەرمانگەکانی فیدراڵ و ھەرێم کە ئەو پڕۆسەیە دەبێت ماوەیەکی بۆ دیاریبکرێت و تەواوبکرێت، بەپێچەوانەوە مووچەکانیان ببڕن، نەک ئەوەی لەئێستاوە ببڕێت."
بە وتەی شاخەوان عەبدوڵا، سودانی ھەردوو پێشنیازەکەی پەسەندکردووە و بەڵێنیداوە کاریان لەسەر بکات.
Copyright © 2020 Kirkuk Tv All Rights Reserved Designed And Developed By AVESTA GROUP