بەهۆی بارانبارینی بەخوڕ و لافاو، لە ویلایەتی گوجاراتی هیندستان 28 کەس گیانیان لەدەستدا.
لێپرسراوانی حکومەتی هیندستان رایانگەیاندووە، لە سێ رۆژی رابردوودا لە ویلایەتی گوجاراتی بەهۆی بارانبارینی بەخوڕ و لافاو 28 کەس گیانیان لەدەستداوە.
دەسەڵاتی کەشناسیی وڵاتەکەش رایگەیاندووە، زیاتر لە 30 هەزار کەس ماڵ و حاڵیان بەجێهێشتووە و هۆشداریدا لەوەی ئەمڕۆ پێنجشەممە ئەگەری بارانی زیاتر هەیە.
رۆژنامەی ئیدیان ئێکسپرێس بڵاویکردووەتەوە، تیمە فریاگوزارییەکان هەزار و 856 کەسیان لە مردن رزگارکردووە.
بەپێی رۆژنامەکە، شاری ڤادۆدارا بەهۆی بارانی زۆرەوە زۆرترین زیانی بەرکەوتووە و تۆڕی کارەبای سنوورەکە زیانی پێگەیشتووە بە جۆرێک نزیکەی هەزار گوند کارەبایان لێ بڕاوە
Copyright © 2020 Kirkuk Tv All Rights Reserved Designed And Developed By AVESTA GROUP