سەرچاوەیەکی نزیک لەحکومەتی ئیسرائیل بڵاویکردوەتەوە، لەچوارچێوەی رێککەوتنی ئازادکردنی بارمتەکان لەهەموو کات نزیکترە، ئیسرائیل ڕازی نابێت بە ڕادەستکردنی تەرمی یەحیا سینوار.
ڕۆژنامەی (ئورشەلیم پۆست)ی نزیک لەحکومەتی ئیسرائیل زانیاریی بەشێک لە میدیا عەرەبییەکانی لەبارەی ڕادەستکردنەوەی تەرمی یەحیا سینوار ڕەتکردوه‌ته‌وه و نوسیویه‌تی: ئیسرائیل هیچ نیازێکی نییە تەرمی سەرکردە کوژراوەکەی حەماس ڕادەستی ئەو گروپە بکاتەوە.
ئەمە لەکاتێکدایە دوێنێ ئێوارە میدیا عەرەبییەکان بڵاویانكردبووه‌وه، لەچوارچێوەی قۆناغی یەکەمی ئاڵوگۆڕی بارمتەکاندا حەماس داوای ڕادەستکردنەوەی تەرمی یەحیا سینواری کردووە.
ئاژانسی رۆیتەرزیش بەپشتبەستن بەسەرچاوەیەکی ئاگادار ڕایگەیاندووه، دانوستانکارانی ئیسرائیل و حەماس ڕەشنوسی کۆتایی ڕێککەوتنی ئاگربەستی غەززەیان بەئامادەبوونی برێت مەکگۆرک نوێنەری جۆ بایدن سەرۆکی ئەمریکا وەرگرتووە.
یەحیا سینوار سەرۆکی پێشوی بزوتنەوەی حەماس بو و کە وەکو پلانداڕێژەری هێرشەکانی سەر ئیسرائیل دادەنراو لە 16ی ئۆکتۆبەری ساڵی 2024 لەئۆپەراسیۆنێکی هێزەکانی ئیسرائیل لەشاری (ره‌فه‌ح)ی باشوری غەززە کوژرا.
Copyright © 2020 Kirkuk Tv All Rights Reserved Designed And Developed By AVESTA GROUP