ئەنتۆنی بلینکن وەزیری دەرەوەی ئەمریکا جارێكی
دیكه هیوای خۆی بۆ ڕێککەوتنێک سەبارەت بە غەززە پێش دەستبەکاربونی دۆناڵد ترەمپ،
سەرۆکی هه‌ڵبژێردراوی ئەمریکا لە 20ی ئه‌م مانگه‌دا دەربڕی.
بەپێی هەواڵێکی کەناڵی سی بی ئێس، ئەنتۆنی بلینکن
باسی له‌وه‌كردووه، "هیوادارین پێش ڕۆژی دەستبەکاربونی ترەمپ غەززە بگەیننە
ڕێککەوتن".
ئاماژەی بەوەشکرد، کاتێک ڕێککەوتنێک سەبارەت بە
غەززە دەکرێت، دواجار لەسەر بنەمای ئەو شتانە دەبێت کە بایدن پێشنیاری کردوە.
جگە لەوەش دەسەڵاتی پەخشی "ئیسرائیلی"
لەزاری سەرچاوەیەکی حکومییەوە ڕایگەیاندووە، "زۆر نزیکین لە تەواوکردنی
ڕێککەوتنێک لەگەڵ لایەنەکانی فەڵەستین لە کەرتی غەززە".
ڕاشیگەیاندوە، "سوپا بیر لەوە دەکاتەوە کە
مانۆڕەکە لە دەرەوەی باکوری کەرتی غەززە فراوانتر بکات ئەگەر ڕێککەوتنێکی
ئاڵوگۆڕکردن ئەنجام نەدرێت.
Copyright © 2020 Kirkuk Tv All Rights Reserved Designed And Developed By AVESTA GROUP