حوسییەکان بەئامانجگرتنی وەزارەتی بەرگری ئیسرائیلیان بە موشەکی بالیستی راگەیاند و ئاشکرایدەکەن؛ لەماوەی 12 سەعاتی رابردوودا ئەمە سێیەم هێرشیان بووە دژی ئیسرائیل.
حوسییەکانی یەمەن بەیانی ئەمڕۆ لە بەیاننامەیەکدا بڵاویانکردەوە، لەچوارچێوەی وەڵامی دەستدرێژییەکانی ئیسرائیل بۆ سەر وڵاتەکەمان، وەزارەتی بەرگری ئیسرائیلمان لە ناوچەی یافا بە موشەکی بالیستی هایپەرسۆنیک لە جۆری فەڵەستین 2 بەئامانجگرت.
ئاماژە بۆ ئەوەشکراوە موشەکەکە گەیشتووە بە ئامانجەکەی و سیستمی بەرگریی ئیسرائیل سەرکەوتوو نەبووە لە وەڵامدانەوەی.
دوێنێش سوپای ئیسرائیل رایگەیاند؛ لەماوەی چەند سەعاتێکدا ئیسرائیل بە دوو موشەک کە لە یەمەنەوە هەڵدراوە کراوەتە ئامانج، بەڵام پێشـئەوەی بگاتە ئامانجەکەی لەلایەن سیستـمی بەرگرییەوە تێکیان شکاندووە.
Copyright © 2020 Kirkuk Tv All Rights Reserved Designed And Developed By AVESTA GROUP