رێکخراوە مرۆییەکان: 25 ملیۆن سودانی خۆراکیان دەست ناکەوێت

لە راگەیەندراوێکی هاوبەشدا، رێکخراوی ئەنجوومەنی نەرویجی بۆ پەنابەران و ئەنجوومەنی دانیمارکی بۆ پەنابەران و دامەزراوەی میسری کوربس تایبەت بە کارە مرۆییەکان لە سودان بڵاویانکردەوە، رەوشی مرۆیی لە سودان گەیشتووەتە برسێتی و قاتوقڕییەکی مەترسیدار، بەشێوەیەک رۆژانە چەندین کەس گیانلەدەستدەدەن.
ئەو رێکخراوە مرۆییانە داوایان لە کۆمەڵی نێودەوڵەتی کرد، هەنگاوی بە پەلە بۆ چارەسەرکردنی برسێتی لەو وڵاتە بنێت، رەخنەی ئەوەشیان گرت، جوڵە و بایەخی کۆمەڵی نێودەوڵەتی لە ئاست قەیرانی وڵاتەکەدا زۆر شەرمنانەیە.
ئاماژەیان بەوەشکردووە،  رێژەی وەڵامدانەوە بۆ گەیاندنی خۆراک و کۆمەکە مرۆییەکان بۆ ناوخۆیی سودان لە 41% تێناپەڕێنێت.
لە بەشێکی دیکەی راگەیەندراوەکەیاندا ئەو رێکخراوە مرۆییانە، ئاشکرایانکردووە، زیاتر لە 25 ملیۆن سودانی، کە دەکاتە زیاتر لە نیوەی دانیشتوانی ئەو وڵاتە خۆراکیان دەست ناکەوێت.