هەموو شتێک دەربارەى بالۆن دۆر

هەموو شتێک دەربارەى بالۆن دۆر
ئاکۆ بیبانى
گۆفارى فرانس فتبۆڵى فەرەنسى ، چوار شەمە پاڵێوراوانى خەڵاتى تۆپى ئاڵتونى دەستنیشانکرد ، تاکو ئێستا لێونێل مێسى ئەرژەنتینى و ئەفسانەى پێشووى بارسا زۆرترین جار نازناوەکەى بردۆتەوە کە 8 جارە ، دوای ئەویش کریستیانۆ رۆناڵدۆ دێت بە 5 نازناو .
30 پاڵێوراوەکەى بردنەوەى بالۆن دۆر ئاشکراکرا و بەشێکى زۆر لە ئەستێرە دیارەکانى تۆپى پێ لەنێو لێستەکەدان ، هەرچەندە دواتر ژمارەکانیان کەمدەکرێتەوە ، هەردوو خولى ئیسپانى و ئینگلیزى هەر یەکەو 10 یاریزانیان کێبڕکێى خەڵاتى تۆپى ئاڵتونى دەکات یاریزانانى یانەى ریاڵ مەدریدیش پشکى شێریان بەردەکەوێت و 7 یاریزانى یانەکە پاڵیوراون بۆبردنەوەى بالۆن دۆر.
 ئەوانیش هەر یەکە لە ( فینیسۆس جۆنیۆر و کیلیان ئمپاپێ و جود بیلینگهام و دانى کارفاخاڵ و تونى کروس  و رۆدریگەر و فالفێردین.
 لە یانە رکابەرە ئەزەلییەکەشى کە بارسیلۆنایە دوو یاریزان چانسى بردنەوەى نازناوەکەیان هەیە ئەوانیش دانى ئۆلمۆ و لامین یامالن .
 یاریزانانى پریمەرلیگیش ڕکابەرى توند دەکەن بە تایبەت یاریزانانى مان سیتى  ئەوانیش هەر یەکە لە رۆدرى ئیسپانى و ئەندازیارى هێڵى ناوەندى یانەى مانچێستەر سیتی ئینگلیزى و ئێرلینگ هالاندى هاوڕێى و فیل فۆدین و رۆبن دیازن ، ئیمیلیانۆ مارتێنێزى گۆڵپارێزى ئەستۆن فێلایە، سالیبا و بۆکایۆ ساکا و مارتن ئۆدیگارد و دیکلان رایس لە یانەى ئارسیناڵ لە ململانێى بەدەستهێنانى نازناوەکەدا دەبن .
نیکۆ ولیامزى ئیسپانى و هێرشبەرى یانەى ئەتلەتیک بلباو بەهۆى ئەو ئاستەبەرزەى لە یۆرۆ پێشکەشى کرد یەکێکى دیکەیە لە پاڵێوراوان، فلۆریان فێرتز و گریماڵدۆ و ئارتم دۆبیاک و  گرانیت شاکاش ناویان لە لیستى 30 باشترین یاریزانەکانى بالۆن دۆرە.
ماتس هۆمڵز و لاوتارۆ مارتێنێز و هاکان کالهان ئۆگلۆ و هارى کەین و پاڵمەر و فیتینیا و ئەدیمۆلا لوکمان بەشێکى دیکەن لە پاڵێوراوانى باڵۆن دۆر .
بەپێى زۆرێک لە سەرچاوە و ئاماژەکان پێدەچێت بالۆن دۆر لە نێوان هەردوو یاریزانى ریاڵ مەدرید ( فینیسۆس جۆنیۆر و جۆد بیلینگهاک ) یەکلاى بکرێتەوە .
رۆژى 28 ى 10 لە یەکێک لەشانۆکانى پاریسى پایتەختى فەرەنسا بالۆن دۆر و خەڵاتى کوپا بۆ باشترین یاریزانى لاوو باشترین گۆڵپارێز و باشترین راهێنەر و باشترین یانە ئەنجام دەدرێت .
لە دوای ساڵى 2003 ەوە بۆ جاری یەکەمە لەمێژوودا ناوى هەردوو ئەفسانەکانى تۆپى پێى جیهانى ( لێونێل مێسى و کریستیانۆ رۆناڵدۆ ) لە لیستى پاڵێوراوانى بالۆن دۆر نیە .
لەمێژوودا رۆناڵدۆ 18 جار پاڵێوراوى بردنەوەى بالۆن دۆر بووەو مێسیش 15 جار