بوسیانا چییە و بۆچی هێمای ڕیاڵ مەدریدە؟

 بوسیانا چییە و بۆچی هێمای ڕیاڵ مەدریدە؟
ئاکۆ بیبانى
بۆسیانا ، یاخود پاسەکەى ریاڵ مەدرید بۆتە رەمزى مەدریدییەکان و وەک کلتورێکى لێهاتوە ، لەو کاتەى یانەى ریاڵ مەدرید یارى هەیە ، هاندەران دەرژێنە دەوروبەرى یاریگاى سانتیاگۆ بێرنابیۆ و پڕ بە هەموو گەروییان هاوار و دەکەن و هانى یاریزانەکان و دەدەن و پاڵشتى یانەکە دەکەن ، لە دەوروبەرى سانتیاگۆ بێرنابیۆ قەرەباڵخییەکى زۆر دروست دەبێت و بەدەنگى بەرز هوتاق دەوترێتەوە .
یاریزانان و دەستەى کارگیڕى و راهێنەران سڵاو لە هاندەرە بێشوومارەکان دەکەن و بەڵێنى سەرکەوتن و جەنگان و کۆڵنەدان دەدەن ، هەزاران کەس شەقامی کۆنچا ئێسپینا و پلازا دی لۆس ساگرادۆس کۆرازۆنێس پڕ دەکەنەوە، هەروەها دەچنە شەقامی مارسێلیانۆ سانتا ماریا.
 ئەم دیاردەیەش لە ساڵى 2013 ەوە دروست بوو ، کاتێک یانەى ریاڵ مەدرید لە یارى چووندا بە دوو گۆڵى بێ وەڵام بە بروسیا دۆرتمۆند دۆڕابوو لە خولى یانە پاڵەوانەکانى ئەوروپا ، لە یارى گەڕانەوەدا ، هاندەرانى قەڵای سپى زۆر جیاواز دەرکەوتن ، ئەو شەوەش بە دیارکراوى 30 ى نیسانى 2013 بوو ، لەو ساتەوە زاراوەى بۆسیانا دەرکەوت و بڵێسە و لافیتە و دروشمەکان داوای گەڕانەوەی ریاڵ مەدریدیان دەکرد بەرامبەر بروسیا دۆرتمۆند، لەو دەمەدا جۆزێ مۆرینۆ پێشوازییەکى گەورەى لە هاندەران کرد و ریاڵ مەدریدیش شەوێکى ئەفسوناوى نەخشاند و بە شێوەیەکى سەرنج راکێش گەڕایەوە و 4 – 1 بردنەوەیان بەدەستهێنا .
لەو رۆژەوە ئیدى ئەمە بووە بە نەریتێک و هاندەران لە شەقامە گشتییەکانى پایتەخت هاوەڵى پاسەکەى شاهانە دەکەن ، لەم چاپەى چامپیۆنزلیگ لە یارى گەڕانەوەى پلەى ئۆف هەمان دیمەن لە یارى نێوان ریاڵ مەدرید و مان سیتى ڕووی دا ، چاوەڕوان دەکرێت لە یارییەکەى ئەتلەتیکۆ هاندەران زیاتر بە شەقامەکاندا بڵاوبنەوەو پێشوازى لە پاسەکەى مەدرید بکەن چونکە ئەمە دێربی مەدریدەو پڕە لە تام و چێژ .