سودانی دامەزراندنی یەکەمەکان و خاوەن بڕوانامە باڵاکان دادەمەزرێنێت

سەرۆک وەزیرانی عێراق لەگەڵ سەرۆکی ئەنجومەنی خزمەتگوزاری گشتی عێراق کۆبووەوە و باسیان لە دامەزراندنی یەکەمەکان و خاوەن بڕوانامە باڵاکان کرد و سەرۆک وەزیران رایگەیاند، خۆی لە نزیکەوە چاودێری پرۆسەکە دەکات .
محەمەد شیاع سودانی سەرۆک وەزیرانی عێراق لەگەڵ سەرۆکی ئەنجومەنی خزمەتگوزاری گشتی عێراق کۆبووەوە و باسیان لە دامەزراندنی یەکەمەکان و خاوەن بڕوانامە باڵاکان کرد .
لە کۆبوونەوەکەدا سودانی باسی لەوە کرد، گرنگە پەلە بکرێت لە دامەزراندنی سەرجەم دەرچوان و یەکەمەکان و خاوەن بڕوانامە باڵاکان و جێگەیان بکرێتەوە.
جەختشیکردەوە کە لە نزیکەوە بە وردی چاودێری ئەو پرۆسەیە دەکات.
پێشتر، سەعد لامی وتەبێژی ئەنجومەنی خزمەتگوزاری عێراق ئاماژەی بەوەکردبوو، حکومەتی عێراق لە ساڵی رابردوودا ٤٣ هەزار کەسی دامەزراندوە و لەسەرەتای ئەمساڵیشەوە ٢٣ هەزار کەسی دیکەی دامەراندوە، وتیشی لە پلانیدایە هەشت هەزار کەسی دیکە دابمەزرێنێت .