ئەمریکا پێشنیازێکی نوێی بۆ ئاگربەستی غەززە ئامادەیە

بەڕێوەبەری ئاژانسی هەواڵگریی ناوەندیی ئەمریکا رایگەیاند، جەنگی غەززە جێگەی نیگەرانییە و پێشنیازێکی نوێ بۆ ئاگربەست ئامادەیە.
ویلیەم بێرنز، بەڕێوەبەری ئاژانسی هەواڵگریی ناوەندیی ئەمریکا (CIA) و ریچارد موور، بەڕێوەبەری هەواڵگری بەریتانیا هۆشدارییان دا لەوەی سیستمی جیهانی بە جۆرێک لە ژێر هەڕەشەدایە، لە سەردەمی جەنگی ساردەوە هاوشێوەی نەبووە.
دوو بەرپرسە هەواڵگرییەکەی ئەمریکا و بەریتانیا لە وتارێکی هاوبەشدا ئاماژەیان بەوەکردووە، هاوپەیمانی لە خۆیان متمانەپێکراوتر و سەنگینتر بۆ یەکتری نییە و پشتیوانی تەواوەتی یەکتری دەکەن.
ریچارد و ویلەیم ئاماژەیان بۆ ئەوەش کردووە، جەنگی غەززە جێگەی نیگەرانییە و لەگەڵ نێوەندگیرە میسری و قەتەرییەکان کۆڵنادەن، بۆ ئەوەش پێشنیازێکی نوێیان بۆ ئاگربەستی غەززە ئامادە کردووە لە چەند رۆژی داهاتوو بڵاوی دەکەنەوە.