بەمەبەستی بەشداریکردن لە کۆبوونەوەی کۆمەڵەی گشتیی نەتەوەیەکگرتووەکان، وەزیری دەرەوەی ئێران بەرەو نیویۆرک بەڕێکەوت و یەکشەممەی داهاتووش سەرۆککۆماری ئێران دەچێتە ئەمریکا.
میدیای ئێران بڵاویکردووەتەوە، ئەمڕۆ، عەباس عەراقچی، وەزیری دەرەوەی ئێران، بەمەبەستی بەشداریکردن لە 79یەمین کۆبوونەوەی کۆمەڵەی گشتیی نەتەوەیەکگرتووەکان، بەرەو نیویۆرک بەڕێکەوتووە.
ئەوەشیان ئاشکرا کردووە یەکشەممەی داهاتوو، مەسعود پزیشیکان، سەرۆککۆماری ئێران بەمەبەستی بەشداریکردن لە کۆبوونەوەی کۆمەڵەی گشتیی نەتەوەیەکگرتووەکان، بەرەو نیویۆرک بەڕیدەکەوێت.
کۆبوونەوەکانی کۆمەڵەی گشتیی نەتەوەیەکگرتووەکان، رۆژی 24ـی ئەیلول دەستپێدەکات و تاوەکو 28ـی ئەیلول بەردەوامدەبێت.
Copyright © 2020 Kirkuk Tv All Rights Reserved Designed And Developed By AVESTA GROUP