وەزیری دادی عیراق پێشوازی لە پارێزگاری كەركوك دەكات

د. خالید شوانی وەزیری داد پێشوازیکرد لە ڕێبوار تەها مستەفا پارێزگاری كەركوك وجێگری یەکەم و جێگری هونەری و یاریدەدەرەکانی.

لە میانەی دیدارەکەدا کە لە بارەگای وەزارەتی داد لە بەغدای پایتەخت بەڕێوەچوو، ڕەوشی خزمەتگوزاری کەرکوک و هەوڵ و کاری تیمی یەکگرتووی بۆ خزمەتکردنی هاوڵاتیانی کەرکوک و پەرەپێدانی ڕەوشی فەرمانگەکانی داد لە کەرکوک خرایە بەر باس بە شێوازێک کە پشتگیری لە هەوڵەکانی ئیدارەی خۆجێیی کەرکوک بکات.

وەزیری داد خۆشحاڵی خۆی دەربڕی بە دیداری پارێزگاری کەرکوک و جێگران و یاریدەدەرانی نێو ئیدارەی کەرکوک و دوپاتیكردەوە ئـەو یەكگرتووییە هەنگاوێكی دڵخۆشكەرە بەئـاراستەی خزمەتکردنی سەرجەم هاوڵاتیانی پارێزگاکە و ئـەوانەی خوازیاری دانانی بناغەکانی پێکەوەژیانیان هەیە و هەروەها پاڵپشتی و پشتیوانی خۆی بۆ ئیدارەی کەرکوک دووپات کردەوە