ناتانیاهۆ گه‌یه‌ندرایه‌ نه‌خۆشخانه ‌و نه‌شته‌رگه‌ری بۆ كرا

نوسینگەی سەرۆک وەزیرانی ئیسرائیل ئاشكرایكرد، بنیامین ناتانیاهۆ دوای تەواوبونی نەشتەرگەری پرۆستات، ئێستا گەڕاوەتەوە دۆخی ئاسایی، به‌ڵام گواستراوەتەوە بەشی چارەسەرو چاکبوونەوە، کە لەژێر زەمینی نەخۆشخانەکەدایە.
بەگوێرەی سەرچاوەکانی هەواڵ، درەنگانێکی ئێوارەی دوێنێ یەکشەممە، ناتانیاهۆی تەمەنی 75 ساڵ، لەناوەندی پزیشکی هەداسا لەشاری قودس نەشتەرگەریی بۆکراوەو نوسینگەکەشی ده‌ڵێت، "نەشتەرگەرییەکە بەسەرکەوتویی کراوەو بێئەوەی هیچ مەترسییەک لەسەر تەندروستی سەرۆک وەزیران جێبهێڵێت".
ئه‌وه‌شی وتـــووه‌، بنیامین ناتانیاهۆ دۆخی ئاساییه‌ (هاتووه‌ته‌ هۆشی خۆی)‌و ئێستا تەندروستی زۆرباش‌و جێگیرە، بەڵام بۆ چەند ڕۆژێک لەبەشی تیمارو چاکبوونەوە لەژێر چاودێری پزیشکدا دەمێنێتەوە.
لەبارەی نەشتەرگەرییەکەشەوە، پرۆفیسۆر عوفەر گوڤرەت سەرۆکی بەشی میزڵدان ڕایگەیاندووە، نەشتەرگەرییەکە به‌گوێره‌ی پلانێکی زانستی ‌و ورد، کراوە.
ئەمساڵ ئەمە دووەمین نەشتەرگەرییە بۆ بنیامین ناتانیاهۆ سەرۆک وەزیرانی ئیسرائیل دەکرێت.