ئەمریکا داوا لە هاوڵاتییەکانی دەکات لوبنان جێبهێڵن

وەزارەتی دەرەوەی ئەمریکا لە راگەیەندراوێکدا بڵاویکردەوە، پێداچوونەوەیان کردووە بە سروشتی ناپێشبینیکراویی بەردەوامی ناکۆکییەکانی نێوان حیزبوڵ و ئیسرائیل و تەقینەوەکانی ئەم دواییانە لە سەرانسەری لوبنان و لە ناویاندا بەیروتی پایتەخەت.
لە راگەیەندراوی وەزارەتی دەرەوەی ئەمریکا ئاماژە بەوەشکراوە، داوا لە هاوڵاتییانی ئەمریکا دەکەن تاوەکو گەشتەکان بەردەستن لوبنان جێبهێڵن.
چەند رۆژێکە ئیسرائیل هێرشەکانی بۆ سەر لوبنان چڕکردووەتەوە، لەلایەکی دیکەوە رۆژانی سێشەممە و چوارشەممەی رابردووش بەهۆی تەقینەوەی هەزاران ئامێری بێتەلەوە، دەیان ئەندامی حیزبوڵا کوژران و سەدانی دیکەیان برینداربوون.