قوباد تاڵەبانی ژمارەیەک لە گوندەکانی سنوری پشدەری بەسەر کردەوە

قوباد تاڵەبانی، لێپرسراوی مەکتەبی سکرتارییەتی سەرۆک مام جەلال ژمارەیەک لە گوندەکانی سنووری پشدەر لە ئیدارەی راپەڕینی بەسەر کردەوە.
لێپرسراوی مەکتەبی سکرتارییەتی سەرۆک مام جەلال لە سەردانەکەیدا بۆ گوندەکانی شێنێ، زەڵێ و چەند گوندێکی دیکەی سنوورەکە لەگەڵ دانیشتووانی ئەو گوندانە کۆبووەوە و سڵاوی سەرۆکی یەکێتی و پەیامی یەکێتیی نیشتمانیی کوردستانی پێ گەیاندن و رایگەیاند یەکێتی ئێستا، یەکێتی چەند ساڵ لەمەوبەر نییە، بەڵکو هەمان ئەو یەکێتییە بەهێزەیە کە خەڵکی کوردستان دەیانەوێت.
وتیشی یەکێتی ئێستا لەژێر سەرکردایەتی سەرۆک بافڵدا ئەو هێزەیە کە هەر بەڵێنێک بدات و هەر بڕیارێک بدات جێبەجێی دەکات و بڕیاریشی داوە کە لەپێناو خزمەتکردنی خەڵکی کوردستاندا رێڕەوی حکومڕانی لە هەولێر راست بکاتەوە و دەشیکات.
قوباد تاڵەبانی ئاماژەی بەوەشدا وەکچۆن لە سەردەمی شۆڕشدا، یەکێتی بەبێ پشتیوانی گوندنشینان نەیدەتوانی رژێمی بەعس بە چۆکدا بهێنێت، ئێستاش بۆ گۆڕانکاری ریشەیی لە حکومڕانی و خزمەتکردنی خەڵکی کوردستان، یەکێتی لەگوندەکانەوە دەستپێدەکاتەوە.