پارێزگاری كه‌ركوك له‌گه‌ڵ وه‌زیری پڵاندانان جه‌خت له‌ پێویستیی ته‌واوكردنی خێرای پرۆژه‌كان ده‌كاته‌وه‌

رێبوار ته‌ها پارێزگاری کەرکوک له‌گه‌ڵ جێگری سەرۆکی ئەنجومەنی وەزیران وەزیری پلاندانان، کۆبوەوەو پرسی پڕۆژەکانیان له‌ پارێزگاكه‌ تاووتوێکرد.

به‌پێی راگه‌یه‌ندراوێ‌كی نوسینگه‌ی راگه‌یاندنی پارێزگا:" لە دیدارەکەدا کە یاریدەدەری هونەریی ئەندازیار قاسم ئیبراهیم حافز ئامادەی بوو، پڕۆژە پێشنیارکراوەکان و مسۆگه‌ركردنی تەواوبوونیان و سەرجەم بابەتە پەیوەندیدارەکان به‌و پرۆژانه‌و خێراکردنی جێبەجێکردنیان تاوتوێكرا."

هه‌روه‌ها باس له‌و پرۆژانه‌ش كرا کە پێویستە كاركردن تێیاندا خێراتربکرێن بۆ بەدەستهێنانی رێژه‌ی جێبه‌جێكردنیان، ئه‌گه‌ر ئه‌و پرۆژانه‌ بەپێی پلانەکانی پارێزگا یان پڕۆژە وەزارییەکان لە پارێزگاکەدا بێت.

پارێزگاری کەرکوک ڕۆڵ و پشتیوانیكردنی وەزیری پلاندانانی بۆ کەرکوک و پەرۆشیی له‌ بەدواداچوونیدا بۆ پرۆژه‌ خزمه‌تگوزارییه‌كان و خزمەتکردنی سەرجەم هاوڵاتییانی پارێزگاکەدا بەرزنرخاند.

لە تەوەرێکی تری دیدارەکەدا پلانەکانی ناوچە ئازادکراوەکان و گرنگییان لە گەڕاندنەوەی ئاوارە و پاڵپشتیکردنی هەوڵەکانی سەقامگیریی تێیدا بەدواداچوونی بۆکرا.