یەکێتی فەرمانبەرانی کوردستان هەژماری من رەتدەکەنەوەو پشتیوانی لە بڕیارە مێژوویەکەی سەرۆک بافڵ جەلال تاڵەبانی دەکەن بۆ تەوتینکردنی مووچەی فەرمانبەرانی حکومەتی هەرێمی کوردستان.
لەبەیاننامەیەکدا یەکێتی فەرمانبەرانی کوردستان لە سلێمانی رایدەگەیەنێت: کە پشتیوانی بڕیارە مێژوییەکەی سەرۆک بافڵ جەلال تاڵەبانی دەکەین بۆ رەتکردنەوەی هەژماری من و پشتگیری کردنی تەوتینی مووچەی فەرمانبەرانی حکومەتی هەرێمی کوردستان لە یەکێک لە بانکە فیدراڵییەکانی (رافیدەین، رەشید، T.B.I.
یەکێتی فەرمانبەران بەناوی سەرجەم فەرمانبەرانەوە دەستخۆشی لە بافڵ جەلال تاڵەبانی سەرۆکی یەکێتیی نیشتمانیی کوردستان دەکات، بۆ کۆتایی هێنان بە هەژماری من و کارکردن بۆ تەوتینی موچەی فەرمانبەران و پاراستنی ماف و شایستە داراییەکانی مووچەخۆران و کۆتایی هێنان بە دواکەوتنی مووچە، رایدەگەیەنێت: ئەوە خواستی هەرە زۆری مامۆستا و فەرمانبەران و خانەنشینان و هەموو چین و توێژەکانی حکومەتی هەرێمی کوردستان بووە.
دوێنێ شەممە 5-10-2024 لە سێیەمین مەراسیمی بانگەشەی لیستی ١٢٩ی یەکێتیی نیشتمانیی کوردستان و ناساندنی کاندیدانی لیستەکە بافڵ جەلال تاڵەبانی سەرۆکی یەکێتیی نیشتمانیی کوردستان لە پەیامێکیدا رایگەیاند: (هەژماری من) نە هی منە و نە هی ئێوەیە، هەژماری مەسرورە، مووچه‌خۆران ده‌بێت ته‌وتین بكه‌ن نه‌ك هه‌ژماری من".
Copyright © 2020 Kirkuk Tv All Rights Reserved Designed And Developed By AVESTA GROUP