یەکێتی مامۆستایانی کوردستان: تەنها بە تەوتین کێشەی موچە کۆتایی دێت

راگەیانراوی لیستی سەوزی یەکێتی مامۆستایانی کوردستان                            
سەبارەت بە چارەسەرکردنی موچەوە                                         
((تەنها بە تەوتین کێشەی موچە کۆتایی دێت))                                       
  مامۆستایانی دڵسۆز و خۆنەویست                                                                                              
لە دوای دەرچونی بڕیاری دادگای فیدرالی سەبارەت بە موچە ، وەک یەکێتی مامۆستایان باوەڕی تەوامان بەوە هەبوو، تەنها بە تەوتین کردن کێشەی موچە کۆتایی دێت، بۆیە بەردەوام داوامان لە هەموو لایەنەکان کردووە، پشت لە هەژماری من بکەن و پشتگیری  پرۆسەی بە بانکیکردن لە بانقە حکومیەکان بکەن، خۆشبەختانە بەڕێز کاک باڤل تاڵەبانی سەرۆکی یەکێتی نیشتمانی کوردستان لەوبارەیەوە رایگەیاند، وەک یەکێتی نیشتمانی کوردستان هەژماری من رەتدەکەینەوە و پشتیوانی لە تەوتین کردنی موچەکان لە بانکە حکومیەکانی سەر بە مەرکەز دەکەین، ئەوەی راستی بێت ئەو هەڵوێست و بڕیارە رێک رەنگدانەوەی داخوازیەکانی زۆربەی مامۆستایانە لە هەرێمی کوردستا،ن چونکە پێیان وایە بە هەژماری من کێشەکان کۆتایی نایێت و هیچ سودیشی لێ ناکەوێتەوە، بەڵام بە تەوتین کێشەکان کۆتایی دێت و لە زۆر بواریش سود مەندبوونی تێدایە، بۆیە بە هەموو  شێوەیەک پشتگیری ئەو بانگەوازە مێژوییەی کاک باڤل دەکەین، دەشخوازین لایەنەکانیتریش پشتگیری بکەن، بۆ ئەوەی بە یەکجاری کێشەی پاشەکەوت و لێبڕین و پێنەدان و بەبارمتەگرتنی موچەی مامۆستایان بۆ بەرژەوەندی تایبەت کۆتایی پێبێت و بکەوێتە سەر شاڕێگەی خۆی                                              
بەرجەستە بێت داخوازیەکانی مامۆستایان                                               
بە هەوڵی دڵسۆزانەی رێبەرانمان                                                     
یەکێتی مامۆستایانی کوردستان    
مەکتەبی سکرتاریەت / لیستی سەوز
٤تشرینی یەکەمی ٢٠٢٤