گروپێکی حەشدی شەعبی هەڕەشە لە ئیسرائیل دەکات

لە عیراقەوە هەڕەشە لە ئیسرائیل دەکرێت و گروپێکی حەشدی شەعبیش لە پەیامێکدا ئیمارات ‌و سعودیە و وڵاتانی دیکەی عەرەبی بە بەرپرسیاری سەرەکیی شەڕی ناوچەکە دەزانن ‌و هەڕەشەیان لێدەکەن.
ئەبو ئالا وەلائی ئەمینداری گروپی سەید و شوهەدای عێراق کە یەکێکە لە گروپە چه‌كداره‌كانی حەشدی شەعبی لەیەکەمین ساڵیادی هێرشەکانی چەکدارانی حەماس بۆسەر ئیسرائیل پەیامێکی بڵاوکردوەتەوە و دەڵێت: ئۆپەراسیۆنی گەردەلولی ئەقسا بۆ جیهانی سەلماند، ئیسرائیل ڕژێمێکی بەتاڵە".
ڕایشگەیاندووە، چالاکییەکانی بەرەی مقاوەمە بەگشتیی ‌و مقاوەمەی ئیسلامی لە عێراق، توانیویانە هەژمونی ئیسرائیل تێکبشکێنن و وەک چۆن حزبوڵڵای لوبنانی پشتیوانی غەززە بووە، عێراقیش بەهەمان شێوە پشتیوانیی لوبنان ‌و غەززەیە.
له‌به‌شێكی دیكه‌ی قسه‌كانیدا ئەبو ئالا وەلائی وتویه‌تی، ئەم تاوانانەی دەکرێن بەپشتیوانیی ئیمارات ‌و سعودیە دەکرێن کە تێچوی دارایی شەڕەکەیان گرتوەتە ئەستۆو ڕژێمی ئیسرائیل بۆ تاوانکاریی هاندەدەن، بۆیە لە سزا رزگاریان نابێت.