جێگری سه‌رۆک ماڵئاوایی لە کریس راینگانس کرد

ئەمڕۆ سێشەممە ٢٠٢٤/١٠/٨، شێخ جەعفەر شێخ مستەفا، جێگری سەرۆکی هەرێمی کوردستان بە مەبەستی ماڵئاوایی لێکردن، پێشوازیی لە رائد کریس راینگانس، سەرپەرشتیاری ڕێکخستنی فیرقەکانی وەزارەتی پێشمەرگە لە چوارچێوەی یاداشتنامەی لێکتێگەیشتنی نێوان وەزارەتی بەرگریی ئەمریکا و وەزارەتی کاروباری پێشمەرگە و تیمێکی سەربازیی یاوەری کرد.

لە دیدارەکەدا، جێگری سەرۆک ستایشی کارەکانی رائد کریس راینگانسی کرد لە ماوەی ڕابردوودا و هیوای سەرکەوتنی لە ئەرکی نوێیدا بۆ خواست، هەروەها سوپاسی تیمە سەربازییەکەی کرد لە بەرامبەر مەشق و ڕاهێنانەکانیان و بەرەوپێشچوونی توانا سەربازییەکانی هێزی پێشمەرگە.

لای خۆیەوە رائد کریس راینگانس، سوپاسی پشتیوانی و هەماهەنگیی لایەنە پەیوەندیدارەكانی هەرێمی كوردستانی كرد و دووپاتی کردەوە کە هێزەکانیان لە پاڵپشتی و هاریکارییە سەربازییەکانیان بۆ پێشمەرگە بەردەوام دەبن.