لە مەڕاسیمێكدا شێخ جەعفەر شێخ مستەفا قوتابخانەی بنەرەتی شەهید کەریم بازیانی دەكاتەوە

شێخ جەعفەر شێخ مستەفا بەشدارییکرد لە رێوڕەسمی کردنەوەی قوتابخانەی بنەڕەتی شەهید کەریم بازیانی
ئەمڕۆ چوارشەممە شێخ جەعفەر شێخ مستەفا، بەشدارییکرد لەرێوڕەسمی كردنەوەی قوتابخانەی بنەڕەتی شەهید کەریم بازیانی ، لەو رێوڕەسمەدا کە مامۆستا عومەر محەممەد ئەمین  و مامۆستا بەناز رەمەزان ئامادەیبوون، شێخ جەعفەر شێخ مستەفا، لە وتەیەکدا دەستخۆشی لە مامۆستا سالار کرد کە ئەرکی نۆژەنکردنەوەی قوتابخانەکەی لەئەستۆ گرتووە و هاوکات ستایشی خەبات و قوربانیدانی شەهید کەریم بازیانی و بنەماڵە تکۆشەرەکەیانی کرد کە لە خەباتی رزگاریخوازنەی گەلی کوردستان و بەتایبەتی لە شۆڕشی نوێی گەلەکەماندا رۆڵی بەرچاو و جوامێرانەیان هەبووە.
جێی باسە قوتابخانەی شەهید کەریم بازیانی، پێشتر ناوی قوتابخانەی بنەڕەتی بازیان بووەو پاش نۆژەنکردنەوەی ناوەکەی گۆڕاوە بۆ قوتابخانەی شەهید کەریم بازیانی.