خاتوو شاناز ئیبراهیم ئەحمەد خانمی یەكەمی عیراق
بەبۆنەی بەدەستهێنانی پلەی یەكەم لەسەر ئاستی عیراق لەلایەن زانكۆی سلێمانی (زانكۆی
دایك) و سەركەوتنی مێژوویی لەئاستی جیهان لەڕیزبەندی تایمز هایەر ئیجوكەیشن، سەردانی
زانكۆی سلێمانی كرد.
سەرباری پیرۆزبایی خانمی یەكەم سوپاس و پێزانینی
خۆی ئاڕاستەی پڕۆفیسۆر دكتۆر كۆسار محەمەد سەرۆكی زانكۆی سلێمانی كرد لەبەرامبەر
خزمەت و هەوڵ و پەرۆشی بۆ بەرەوپێشبردنی رەوتی زانست و پەروەردە و بەرزكردنەوەی
كوالێتی خوێندن سەرباری قەیران و بەربەستەكان و دڵسۆزییان بۆ سازدانی چالاكی ئەكادیمی
لەسەر پرسە نەتەوەیی و نیشتمانییەكان و خزمەتكردنی كۆمەڵگە.
پرۆفیسۆر دكتۆر كۆسار محەمەد سوپاسی خاتوو
شاناز ئیبراهیم ئەحمەدی كرد بۆ سەردان و پێزانینەكانی و رایگەیاند، وەك ستافی ئەكادیمیستی
زانكۆ ئەوپەڕی هەوڵی خۆیان دەدەن تا لەخزمەتی رەوتی زانست و خوێندنی باڵابن لەشاری
سلێمانی، هاوكات سوپاسی ئەنجومەنی زانكۆ و مامۆستایان و توێژەرانی كرد بۆ هەوڵ و تەقەڵاكانیان.
دواترو بەبەشداری خانمی یەكەمی عیراق، لەمیانی
رێورەسمێكدا كەبەو بۆنەیەوە و بەئامادەبوونی دكتۆر ئارام محەمەد وەزیری خوێندنی باڵا
و توێژینەوەی زانستی و دكتۆر هەڤاڵ ئەبوبەكر پارێزگاری سلێمانی و بەدروشمی مێژوویەك
لەشكۆ ئایندەیەك لە داهێنان، زانكۆی سلێمانی ئاهەنگی سەركەوتنی خۆی سازكرد.
Copyright © 2020 Kirkuk Tv All Rights Reserved Designed And Developed By AVESTA GROUP