هەشت ساڵ بەسەر دزەکردنى داعش بۆ ناو شارى کەرکوک تێپەڕدەبێت, لە بەرەبەیانی رۆژی 21/10/2016 ژمارەیەك چەكداری داعش دزەیان كردە ناو شاری كەركوك و رووبەرووبونەوە لە نێوان هێزەئەمنییەکانى کەرکوک و چەکدارانى داعش ڕوویدا بەتایبەتی لەچەند ناوچەیەكی گەڕەكی حەی عەسكەری و گەرەكی دۆمیز.
داعش بۆ جێبەجێكردنی پیلانەكانی لە كەركوك لە رێگەی 40 چەكدارەوە پەلاماری کەرکوکیدا، لە رووداوەكاندا زیاتر لە 150 كەس بونەتە قوربانی.
لە شەڕو رووبەرووبونەوەكانی كەركوكدا 35 كەس شەهیدبون و 120 كەسی تریش برینداربوون.
چەكدارەكان لەناو چەند بینایەك خۆیان حەشار دابوو، لەلایەن هێزە ئەمنییەكان گەمارۆی ئەو بینایانەیانە درابوو, ئەو چەكدارانەی هێرشیان كردبوو شەش چەكداریان كوژراون و چەند چەكدارێكیش خۆیان تەقاندەوە.
Copyright © 2020 Kirkuk Tv All Rights Reserved Designed And Developed By AVESTA GROUP