چوارچێوەی هەماهەنگی: داوایەک لە ئەندامانی پەرلەمانی عێراق دەكات

چوارچێوەی هاوئاهەنگی داوا لە ئەندامانی پەرلەمانی عێراق دەكات، رۆژی شەممەی داهاتوو سەرۆكایەتی ئەنجومەن یەكلابكەنەوە.
بەگوێرەی بەیاننامەیەك، چوارچێوەی هاوئاهەنگی لە نوسینگەی عەممار حەكیم، سەرۆكی رەوتی حیكمە بە ئامادەبونی سەرۆك وەزیرانی كۆبووەتەوە و گفتوگۆیان لەبارەی دواین پێشهاتە سیاسییەكانی عیراق و ناوچەكەوە كردووە.
لە کۆبوونەوەکەدا چوارچێوەی هاوئاهەنگی جەختی لە پشتیوانی سیاسی عێراق كردووەتەوە بۆ ئەو هەوڵانەی حكومەتی عێراق لەگەڵ لایەن و وڵاتان هەیەتی، ئەمەش لەپێناو راگرتنی جەنگ دژی هەردوو گەلی فەلەستیتن و لوبنان.
هەر لەو کۆبوونەوەکەیەدا ستایشی هەوڵەكانی حكومەتیش كراوە لەپای ئامادەكارییەكانی بۆ سەرژمێریی گشتی و سەپاندنی یاسا و گێڕانەوەی شكۆ بۆ دەوڵەت و دەستگیركردنی داواكراوان و رادەستكردنیان بە یاسا.
داوی کۆبوونەوەکەش چوارچێوەی هاوئاهەنگی لە بەیاننامەكەیدا، داوای لە ئەندامانی پەرلەمانی عێراق كردووە، رۆژی شەممەی داهاتوو كۆبونەوەیەك رێكبخەن بۆ یەكلاكردنەوەی سەرۆكایەتی ئەنجوومەن و دانانی سنورێك بۆ بەتاڵی ئەو پۆستە گرنگە بە درێژایی ماوەی رابردوو.