شانەی ئەمنی عێراق دڵنیایی دەدات کە گرووپە چەکدارەکان ناتوانن ئاسایشی وڵات تێکبدەن و دەڵێت، بۆ هەر پێشهاتێک لەگەڵ هێزەکانی پێشمەرگە پلان و ڕوانگەی هاوبەشیان هەیە.
ئاڵۆزیی دۆخی سووریا دەسەڵاتدارانی عێراقی نیگەرانکردووە بەتایبەت مەترسی ئەوەیان هەیە گرووپە چەکدارەکان بۆ عێراقیش بپەڕنەوە، بۆیە ئاسایشی سنوورەکان لەگەڵ سووریا توندترکراوە و هێزە عێراقییەکان لە ئامادەباشیدان.
لیوا تەحسین خەفاجی سەرۆکی شانەی ڕاگەیاندنی ئەمنیی عيراق ڕايگەیاند، فەرماندەیی ئۆپراسیۆنەکان و هێزەکانی پێشمەرگە هەماهەنگییەکی باش و بەردەوامیان هەیەو، سەبارەت بە بڵاوەپێکردنی هێزە ئەمنییەکانیش بڕیارەکانی سوودانی وەک خۆیان جێبەجێکراون.
ئەوەشی خستووەتەڕوو، لە مانگێکدا 23 ئەندامی داعش کوژراون و هیچ شوێنێک نییە کە هێزە ئەمنییەکان پێی نەگەن، جەختیش دەکاتەوە لەوەی گرووپە تیرۆریستییەکان چیتر ناتوانێت ئاسایشی وڵاتەکەی تێکبدەن.
Copyright © 2020 Kirkuk Tv All Rights Reserved Designed And Developed By AVESTA GROUP