هێرشكرایه‌سه‌ر كۆمپانیای پیشه‌سازیی فڕۆكه‌وانیی توركیا

هێرشكرایه‌‌سه‌ر کۆمپانیای هاوبەشی پیشەسازیی فڕۆکەوانیی و بۆشایی ئاسمانی تورکیا لە ئەنكەرە و كوژراو و برینداری  لێكه‌وته‌وه‌.

دوانێوه‌ڕۆی ئه‌مڕۆ 23ی تشرینی یه‌كه‌می 2024  ئاژانسی هه‌واڵی (ئه‌نادۆڵ)ی توركیا ئاشكرایكرد كه‌:" ته‌قینه‌وه‌یه‌كی به‌هێز لە ناوچەی کازانی ئەنكەرە له‌ بنكه‌ی كۆمپانیای پیشه‌سازیی فڕۆكه‌وانیی و بۆشایی ئاسمانی توركیا (توساش) له‌ ئه‌نكه‌ره‌ روویداوه‌و دواتر ده‌ستڕێژیی گولـله‌ له‌ناوچه‌كه‌ بیستراوه‌."

 هاوكات وه‌زیری ناوخۆی توركیا، هێرشه‌كه‌ی به‌ تیرۆرستیی ناو بردو وتی:" له‌ هێرشه‌كه‌دا كوژراو و بریندار هه‌ن"  
 
به‌پێی هه‌ندێك سه‌رچاوه‌ی رۆژنامه‌وانییش، هاوكات له‌گه‌ڵ ته‌قینه‌وه‌كه‌دا روبه‌ڕووبونه‌وه‌و پێكدادانی چه‌كداریی روویداوه‌و هێزه‌كانی ئاگركوژێنه‌وه‌و فریاكه‌وتن گه‌یشتوونه‌ته‌ شوێنی رووداوه‌كه.  

 بەگوێرەی ئەو وێنە و ڤیدیۆیانه‌ش كه‌ میدیای توركیا بڵاویكردوونه‌ته‌وه‌، ژماره‌یه‌ك هاووڵاتی مه‌ده‌نی ده‌ستبه‌سه‌ر كراون.

 کۆمپانیای پیشەسازیی فڕۆکەوانیی تورکیا(توشاس) ناوەندێکی پیشه‌سازیی تەکنەلۆژی و فڕۆکەوانییه‌ لە بوارەکانی دیزاین، پەرەپێدان، بەرهەمهێنان، تەواوکردن، نوێکردنەوە و خزمەتگوزاریی دوای فرۆشتنی پلاتفۆرمە ئاسمانییەکان لە تورکیا کار دەکات.

ئه‌و کۆمپانیایە پارچەی فڕۆکەی ئێرپاس A380 کە گەورەترین فڕۆکەی نەفەرهەڵگری جیهانه‌ و فڕۆکەی گواستنەوەی سەربازیی Airbus A400M بەرهەم دەهێنێت.