ئەمڕۆ چوارشەممە ٢٣ی تشرینی یەکەم (فەهمی بورهان)سەرۆکی دەستەی گشتی ناوچەکوردستانییەکانی دەرەوەی ئیدارەی هەرێم چاوپێکەوتنێکی ڕۆژنامەوانی ئەنجامدا لە گەڵ خاتوو ( بریجیت سفینسون ) لە ڕۆژنامەی ( فیلد )ی ئەڵمانی سەبارەت بە سەرژمێری گشتی لە عێراقدا.
سەرۆکی دەستە ئاماژەی بەوە کرد کەوا بڕیارە لە ٢٠ی تشرینی دووەمی٢٠٢٤ سەرژمێری گشتی لە عێراقدا بکرێ .
مەترسی هەیە لەسەر ناوچەکوردستانییەکان بەگشتی و کەرکوک بەتایبەتی ، بەهۆی گۆڕینی دیمۆگرافیای ناوچەکە لە لایەن عەرەبی هاوردە لە دوای ساڵی ٢٠١٧ ، هەروەها نەگەڕانەوەی ئاوارە ئێزیدیەکانی شەنگال بۆ زێدی ڕەسەنی خۆیان.
هەروەها بەڕێزیان ئاماژەی بەوەدا کە دەبێ ئەم سەرژمێریکردنە بۆ مەبەستە سەرەکیەکەی خۆی بکرێ کە ئەویش دیاریکردنی ڕێژەی دانیشتوان و خزمەتکردن بێ ....
چونکە بە درێژایی ساڵانی ڕابردوو حکومەتە یەک لەدوای یەکەکانی عێراق سەرژمێری گشتی عێراق بۆ مەرامی سیاسی بەکارهێنراوە، وە بەمەستی دەرکردن و بەعەرەبکردن و ڕاگواستی کورد بووە لە شوێنی ڕەسەنی خۆیان.
لە کۆتایدا ئاماژەی کرد بە ڕۆڵێ بەڕێز( مام جەلال) لە ڕێکخستنی نێو ماڵی کورد بەتایبەتی و هەوڵەکانی بۆ عێراقێکی دیموکراتی و دەستوری لە ئیدارەی دەوڵەت ، بۆیە لە ئێستاشدا پێویستە هەنگاوەکانی حکومەتی عێراقی هەر لەو چوارچێوە دەستوریەدا بێ و نیگەرانیەکانی حکومەتی هەرێم و خەڵکی کوردستان لە بەرچاو بگرێت ، ئێمە دژی سەرژمێری نین و بە پێویستی ئەزانین ، بەڵام جێ بەجێکردنی مادەی ١٤٠ و ئاسای کردنەوەی دۆخی ناوچە کوردستانییەکان لەم قۆناغەدا گرنگترن لە ئەنجامدانی سەرژمێری .
Copyright © 2020 Kirkuk Tv All Rights Reserved Designed And Developed By AVESTA GROUP