 copy.jpg)
فەرماندەیی ناوەندیى هێزەکانى ئەمریکا ناسراو بە
" سێنتکۆم" لە راگەیەندراوێکدا ئاشکرایکرد، دوو سەربازى وڵاتەکەى لە
میانى بەشداریکردنیان لە ئۆپراسیۆنێکى هێزەکانى عێراق بۆ سەر چەکدارانى داعش لە
ئەنبار برینداربوون.
فەرماندەیی ناوەندیى هێزەکانى ئەمریکا لە
راگەیەندراوەکەیدا ئاماژەى بەوەشکردووە، رۆژى 22ـی ئەم مانگە سوپاى
عێراق بە پشتیوانى هاوپەیمانیى نێودەوڵەتى ژمارەیەک هێرشى ئاسمانیی کردووەتە سەر
چەند مۆڵگەیەکى داعش لە ناوەڕاستى عێراق و لە ئەنجامدا لانى کەم حەوت چەکدار
کوژراون.
باسی لەوەشکردووە: لە میانى ئۆپراسیۆنەکەداو
لەکاتى هاوکاریکردنى هێزەکانى عێراق دوو سەربازى ئەمریکا برینداربوون.
هاوکات سابرینا سینگ، جێگرى سکرتێرى رۆژنامەوانى
پێنتاگۆن لە کۆنفرانسێکى رۆژنامەوانیدا برینداربوونى دوو سەربازى وڵاتەکەى
پشتراستکردووەو رایگەیاند، هەڵسەنگاندنەکان بۆ ئەنجامى ئۆپراسیۆنەکە دەکەن.
Copyright © 2020 Kirkuk Tv All Rights Reserved Designed And Developed By AVESTA GROUP