مقاوەمەی ئیسلامی پێگەیەکی سەربازیی ئیسرائیلی کردە ئامانج

بەرەی مقاوەمەی ئیسلامی لە عێراق ڕایانگەیاند "هێرشیان کردووەتە سەر پێگەیەکی سەربازی لە باکووری ئیسرائیل."
بەرەی مقاوەمە لە بەیاننامەیەکدا ڕایگەیاند "بە  فڕۆکەی بێفڕۆکەوان هێرشیان کردووەتە سەر پێگەیەکی سەربازی لە باکووری ئیسرائیل و باسی زیانەکانی ئیسرائیلیشی نەکردووە.

بەرەی مقاوەمە ناساندووە، پێکهاتووە لە لیواکانی حزبوڵلا، سەید شوهەدا و بزووتنەوەی نوجەبا و چەندانی دیکە.

لە چەند مانگی ڕابردوودا ئەم گرووپە چەند جارێک بە فڕۆکەی بێفڕۆکەوان هێرشیان بۆ کردووەتەسەر ئامانجەکانی ئیسرائیل.

ماوەی زیاتر لە ساڵێکە ئیسرائیل لە کەرتی غەززە شەڕی دژی حەماس دەستی پێ کرووە و بەهۆی ئەو شەڕەوە گرووپە چەکدارەکانی سەر بە ئێران، لەهەر شوێنێکی ناوچەکەبن هێرشیان بۆسەر ئیسرائیل دەستپێکردووە و شەڕەکە فراوانتر بووە.