مەکتەبی سکرتارییەتی سەرۆک مام جەلال سەردانی خێزانی شەهیدی سەرکردە ئەنوەر زۆراب ده‌كات ​

ئەمڕۆ ٢٠٢٤/١٠/٢٩ مەکتەبی سکرتارییەتی سەرۆک مام جەلال لەشاری سلێمانی سەردانی خاتوو سەبری عەبدول نەبی خێزانی شەهیدی سەرکردە ئەنوەر زۆراب یانکرد و چەپکە گوڵی رێز و وەفای سەرۆک بافڵ جەلال تاڵەبانی ، هەڤاڵ قوباد تاڵەبانیان پێشکەشکرد .

لەو سەردانەدا مەکتەبی سکرتارییەتی سەرۆک مام جەلال بەڕێزەوە ئاماژەیان بە رۆڵی شەهیدی سەرکردە ئەنوەر زۆراب لەخەبات و تێکۆشانی کوردایەتی دا کە وەک یەکێک لە رەمزە دیارەکانی شۆڕشی نوێ و یەکێتی و داینەمۆی سەرپێخستنی بوژانەدنەوەی گیانی شۆڕشگێڕی بوون لە زیندانیشدا وەک قارەمانێک  تا دوا پلەی شەهادەت بەورە بەرزییەوە لەگەڵ هەڤاڵەکانیان شۆڕشیان جۆشدایەوە و بە خۆڕاگری و ئازایەتییان زیندانەکانیان کردە قوتابخانەی بەردەوامی و سەرخستنی ئامانجەکانی شۆڕشی نوێ کە ئێمە شانازی بەو مێژووە دەکەین و لەسەر هەمان ئەو رێبازە بەردەام دەبین .

لەبەرامبەردا خاتوو سەبری عەبدول نەبی دووپاتی کردەوە کە پابەند بە رێبازی سەرۆک مام جەلال و شەهیدەکانی کوردایەتی لە خزمەتی ئامانجەکانی گەلی کوردادەبن و خۆشحاڵی خۆی دەڕبڕی کەیەکێتی ئەمڕۆ لە دەستێکی ئەمیندایەوە لەسەر هەمان رێبازی مام درێژە بە خەبات ئەدات