رفعەت عەبدوڵا: سیستمی سزاو پاداشت دەكەینە بنەمای كاری ڕێكخراوەیمان

بەیانی ئەمڕۆ شەممە 2024/11/02  رفعەت عەبدوڵا ئەندامی مەكتەبی سیاسی سەرپەرشتیاری بازنەكانی سلێمانی بەهاوڕێیەتی سەركەوت زەكی ئەندامی مەكتەبی سیاسی و هەڤاڵانی مەكتەبی ڕێكخستن بەمەبەستی پیرۆزبایی و دەستخۆشی سەردانی بازنەی 23ی شارەزووری  كرد و لەلایەن سالار سەرحەد لێپرسراوی بازنە و هەڤاڵانی بازنەی شارەزوورەوە بەگەرمی پێشوازیكران، دواتر لەكۆبوونەوەیەكدا و دوای وەستانی چەند ساتێك ماتەمینی بۆ گیانی پاكی شەهیدان، رفعەت عەبدوڵا لەوتەیەكدا دەستخۆشی و پیرۆزبایی لێكردن بۆ ئەو سەركەوتنە گەورەیەی بەدەستیانهێناوە  لەسنووری بازنەی شارەزووردا لەهەڵبژاردنی پەرلەمانی كوردستاندا و سوپاسی  هەوڵ و ماندوبوونیانی كرد و كارەكانی  بەرزنرخاندن، لەبەشێكی تری وتەكانیدا سەرپەرشتیاری بازنەی سلێمانی ڕۆڵی سەرۆك بافڵ جەلال تاڵەبانی بەرزنرخاند كەتوانی ڕۆڵێكی دیار و كاریگەر ببینێت و شێوازێكی نوێی بانگەشەی هەڵبژاردن بهێنێتە كوردستان كەشێوازێكی سەرنجڕاكێش بوو لەگەیاندنی پەیامەكانی یەكێتی، دواتر باسی لە هەڵكشانی دەنگەكانی یەكێتی كرد كە بەهەوڵی هەموان توانرا دەنگەكانی یەكێتی زۆر زیاد بكەن وخەڵك جارێكی تر متمانە بەیەكێتی ببەخشێت، راشیگەیاند خەڵك هەموو ئومێدێكیان بەیەكێتییە كە لەداهاتوودا ڕێگری لەهەموو ناعەدالەتییەك بكات ئەگەر هەبێت لەكابینەی داهاتوودا، باسی لەوەشكرد حكومەتی داهاتوو دەبێت حكومەتی خەڵك بێت، داواشیكرد پێویستە ئەو متمانەیەی خەڵك لەدەست نەدەین و بەوەفا و ڕاستگۆ بین لەگەڵ كۆمەڵانی خەڵك  بۆیە دەبێت هەڤاڵانی بازنەكان خەم و ئازاری خەڵك بەخەم وئازاری خۆیان بزانن و دانەبڕێن لەكۆمەڵانی خەڵك،  رفعەت عەبدوڵا تەئكیدیشیكردەوە یەكێتی سیستمی سزا و پاداشت جێبەجێدەكات لەكاری ڕێكخراوەیدا و كەسی شیاو لەشوێنی شیاو دادەنێت لە هەموو سێكتەرەكانی حزب و حكومەتیشدا، هەر لە كۆبوونەوەكەدا لەبارەی ئەركی نوێی كاری ڕێكخراوەی ڕێنمایی پێدان و هیوای سەركەوتنی بۆ خواستن.
دواتر سەركەوت زەكی لەوتەیەكدا بەگرنگییەوە باسی سەركەوتنی یەكێتی لەهەڵبژاردنی پەرلەمانی كوردستاندا كرد و رایگەیاند سەركەوتنی ئەم جارە توانی پێگە و  هێزی یەكێتی بەهێزتر بكات و ئێستا یەكێتی جێگەی ئومێدی هەموو خەڵكە، بۆیە سوپاستان دەكەین و ماندوبوونتان بەزایە نەڕۆشتووە و پێویستە هەنگاوی گەورەتر بنێنین، هەمیشەش لەگەڵ خەڵكدابین،  دواتر سالار سەرحەد باسی لەشێوازی كارەكانیان كرد لەبانگەشەی هەڵبژاردان كرد كەشێوازێكی سەردەمیانەیە، لەكۆتایدا هەریەك لەرفعەت عەبدوڵا و سەركەوت زەكی سوپاسنامەیان پێشكەشكی لێپرسراوی تیم و هەڤاڵانی تیمەكانی بانگەشە كرد.