رۆژنامەیەکی ئیماراتی: ترەمپ لەڕێگەی سەرۆک وەزیرانی عیراقەوە پەیامێکی بۆ ئێران ناردوە

ترەمپ لە رێگەی سەرۆک وەزیرانی عێراقەوە پەیامێکی بۆ ئێران ناردوە، بەپێی ناوەڕۆکەکەشی ترەمپ بەڵێنی چارەسەرکردنی کێشەکانی نێوان واشنتۆن و تارانی داوە.

رۆژنامەی ئەلعەینی ئیماراتی بڵاویکردوەتەوە؛ ترەمپ لە پەیوەندییە تەلەفۆنییەکەیدا لەگەڵ سەرۆک وەزیرانی عێراق داوای لە سودانی کردوە بە هۆی پەیوەندییە نزیکەکەی لەگەڵ ئێران پەیامێک بە تاران بگەیەنێت بۆ ئەوەی بەنیازە پرسی ئەتۆمییەکەی یەکلایی بکاتەوە.

سەرچاوەکە دەشڵیت: ترەمپ لە پەیامەکەیدا جەختی کردوەتەوە لەوەی، کێشەکانی نێوان واشنتۆن و تاران چارەسەر دەکات بە تایبەتی پرسی دۆسیەی ئەتۆمی، ئەگەر تاران نیازپاکی نیشان بدات و هەنگاو بۆ راگرتنی ئاڵوزییەکانی ناوچەکەش هەڵبگرێت.

سەرچاوەکە ئاشکراشی دەکات دوابەدوای پەیوەندییە تەلەفۆنییەکەی نێوانیان سودانی قاسم ئەعرەجی رەوانەی تاران کردوە بۆ ئەوەی پەیامی ترەمپ بە دەسەڵاتدارانی ئێران بگەیەنێت.