نرخی نەوت لە بازاڕە جیهانییەکاندا دابەزی

نرخی نەوت لە بازاڕەکانی جیهاندا گۆڕانکارییان بەسەرداهاتوە و هەریەک لە نەوتی خاوی برێنت و تەکساسی ئەمەریکیش نرخەکەیان بەراورد دوێنێ دابەزیوە.
ئەمڕۆ له بازاڕەکانی جیهاندا، نرخی بەرمیلێک نەوتی خاوی برێنت بە  (71) دۆلار و (75) سەنت مامەڵەی پێوەدەکرێت و نرخەکەی دۆلارێک و 84 سەنت دابەزیوە.
بەرمیلێک نەوتی تەکساسی ئەمەریکیش بە (67) دۆلار و (95) سەنت مامەڵەی پێوەدەکرێت و بەراورد بە دوێنێ 2 دۆلار و 75 سەنت نرخەکەی دابەزیوە.
شارەزایان دەڵێن چونکە هاندانە ئابوورییەکانی چین نەیانتوانی دڵی بازرگانانی نەوت خۆش بکەن، بۆیە نرخەکەی دابەزیوە. هەروەها باهۆزی رافائیلیش هۆکارێکی دیکەی دابەزینی نرخی نەوتە.
ئامارە رەسمییەکان دەڵێن، ئەمساڵ قەبارەی بەکارهێنانی نەوت لەلایەن چینەوە هیچ گەشەی نەکردووە.
باهۆزی رافائێلیش نزیکەی 25٪ـی بەرهەمی نەوت کێڵگە نەوتییەکانی ئەمریکای کەمکردووەتەوە، بەڵام بەپێی ئاژانسەکانی کەشوهەوا، زیانی باهۆزەکە لە چەند رۆژی داهاتوودا کەم دەبێتەوە.