ئەمڕۆ رۆژی جیهانی نەخۆشیی شەکرەیە

رێکخراوی تەندروستیی جیهانی ئەمڕۆی وەک رۆژی جیهانیی نەخۆشیی شەکرە و بڵاوکردنەوەی هۆشیاری لەبارەیەوە دیاریکردووە.

نەخۆشی شەکرە یەكێکە لە نەخۆشییە درێژخایەنە مەترسیدارەکان، بەپێی ئامارەکانی یەکێتیی نێودەوڵەتی بۆ نەخۆشی شەکرە، تا ساڵی 2023،  537 ملیۆن کەس تووشی نەخۆشییەکە بوون و پێشبینیش دەکرێت تا ساڵی 2045 بگاتە 700 ملیۆن تووشبوو.

یەکێتیی نێودەوڵەتی بۆ نەخۆشی شەکرە ئاشکراشیکردووە، نەخۆشی شەکرە یەکێکە لە ئالنگارییە گەورەکانی سەدەی 21 و رۆژ بەرۆژ ژمارەی تووشبووانی رووی لە زیادبوونە.

شارەزایانی بواری پزیشکی هۆکاری بەرزبوونەوەی ژمارەی تووشبووان بە نەخۆشی شەکرە بۆ هۆکاری بۆماوەیی و گۆڕانی شێوازی ژیان و  قەڵەوی و  فشارە کۆمەڵایەتیی و دەرونییەکان و هۆکارە ژینگەیی و ئابوورییەکان دەگێڕنەوە.