قۆناغی دووەمی پڕۆسەی سەرژمێریی گشتیی دەستیپێکرد

قۆناغی دووەمی پڕۆسەی سەرژمێریی گشتیی دەستیپێکرد، تیمەكان سەردانی ماڵی هاوڵاتییان دەكەن و لە ڕێگەی 50 پرسیارەوە زانیارییەکان تۆماردەکەن.

ئەمڕۆ قۆناغی دووەمی مەیدانی بۆ پڕۆسەی سەرژمێریی گشتیی دانیشتوان لە هەرێمی کوردستان و عێراق دەستـپێكرد، تیمەكانی سەرژمێریی سەردانی ماڵان دەكەن و لە ڕێگەی 50 پرسیارەوە زانیارییەکان لەبارەی ژمارەی ئەندامانی خێزان و چەند بابەتێکی دیکە تۆماردەکەن.
ئەم قۆناغە تـــا 19ـی مانگ وەك قۆناغی دووەمی پڕۆسەی سەرژمێریی گشتی بەردەوام دەبێت، ڕۆژانی 20 و 21ی مانگیش وەک قۆناغی سێیەم، تیمەکان بۆ دڵنیابوونەوە لە زانیارییەکان دووبارە سەردانی ماڵان دەکەن و لە رێگەی 75 پرسیارەوە سەرجەم زانیارییەکان تۆماردەکەن.

وەزارەتی خوندنی باڵای هەرێمیش ڕایگەیاند: ئەو خوێندکارانەی لە دەرەوەی وڵاتن لەمڕۆوە تا 10 ڕۆژی دیکە مۆڵەتیان هەیە بگەڕێنەوە و بەشداری سەرژمێریی بکەن.