ئیلۆن مەسک دەبێتە دەوڵەمەندترین پیاوى جیهان

ئیلۆن مەسک، ملیاردێرى ئەمەریکى و بەڕێوەبەرى جێبەجێکارى کۆمپانیاى تێسلا دواى ئەوەى سامانەکەى بۆ 348 ملیار دۆلار ئەمەریکى بەرزبوەوە، بو بە دەوڵەمەندترین پیاوى جیهان.
بەپێی پێنوێنییەکانى پێگەى بلومبێرگ بۆ ملیاردرێرەکان، بەرزبونەوەى سامانى مەسک پەیوەندیی بە بەرزبونەوەى بەردەوامى پشکەکانى کۆمپانیاى تێسلاوە هەیە، جگە لەوەش لە خولێکى دارایی نوێدا توانیویەتى 70 ملیار دۆلار بخاتەسەر سامانەکەى.
رۆژى هەینى رابردوو ، پشکەکانى کۆمپانیاى تێسلا بەڕێژەى 3.8% بەرزبوەوە، ئەمەش پەیوەندى بەو پشتگیرییانەوە هەیە کە دۆناڵد ترەمپ، سەرۆکى هەڵبژێردراوى ئەمەریکا بۆ ئۆتۆمبێلى کارەبایی هەیەتى.
لەئێستادا سامانى ئیلۆن مەسک زیاتر لە 80 ملیار دۆلار پێش لارى ئێڵسن، سەرۆکى ئەنجومەنى ئیدارەى ئۆراکڵ کەوتوە کە نازناوى دوەم دەوڵەمەندترین کەسى لە جیهاندا وەرگرتوە.