یەکەمین كۆبونه‌وه‌ی په‌رله‌مان به‌سه‌رۆكایه‌تی مه‌شهه‌دانی لەم هەفتەیە به‌ڕێوه‌ده‌چێت

په‌رله‌مانی عێراق رۆژی سێشه‌ممه‌ی ئه‌م هه‌فته‌یه‌ی دیاریكردوه‌ بۆ بەڕێوەچونی یەکەمین دانیشتن بە سەرۆکایەتی مەحمود مەشهەدانی وەک سەرۆکی په‌رله‌مان، دوای نزیکەی ساڵێک لە بەڕێوەبردنی دانیشتنەکان له‌لایه‌ن سه‌رۆكێكی بە وەکالەته‌وه‌.
به‌گوێره‌ی به‌رنامه‌ی كاری كۆبونه‌وه‌كه‌، له‌ باره‌ی پێنج ته‌وه‌ره‌وه‌ گفتوگۆ ده‌كرێت کە گرنگترینیان هەموارکردنەوەی بودجەی سێ ساڵییه‌ بۆ ساڵی 2025، كه‌ هه‌مواری بڕگەی خه‌رجی و داهات و بڕی تێچوی به‌رمیلێك نه‌وتی بەرھەمھێنراوی ھەرێمی کوردستانیش ده‌کرێت.
ئه‌وه‌ش له‌كاتێكدایه‌ ئەو یاسایانەی مشتومڕیان لەسەرە لە بەرنامەی کاردا نین، کە یاسای باری کەسێتی و لێبوردنی گشتی و هەڵوەشاندنەوەی بڕیارەکانی مەجلیس قیادەی سەورەی سەردەمی بەعسە کە بە هەڵوەشاندنەوەی  زەوییە کشتوکاڵییەکان لە کەرکوک بۆ خاوەنە راستەقینەکانیان دەگەڕێتەوە.