حیزبوڵای لوبنان ئامادەکاری بۆ بەخاکسپاردنی تەرمى حەسەن نەسروڵا دەکات

دوا بە دوای راگەیاندنی ئاگربەست، حیزبوڵای لوبنان سەرقاڵی ئامادەکارییەکی جەماوەری و سیاسیی فراوانە، بە مەبەستی بەخاکسپاردنی حەسەن نەسروڵا، ئەمینداری پێشووى، کە لە کۆتایی مانگی ئەیلولی ئەمساڵدا لە هێرشێکی ئیسرائیلدا کوژرا.
مەحمود قماتی، جێگری سەرۆکی ئەنجوومەنی سیاسیی حیزبوڵا رایگەیاندووە، بەخاکسپاردنی ئەمینداری گشتییان دواخست، "بۆ ئەوەی بەخاکسپاردنێکی ئەوتۆ و شایستە بێت.
ئاماژەی بەوەشکردووە، لە ئێستاوە ئامادەکارییەکی پێویستی جەماوەری و سیاسیی گەورەی بۆ دەکەن، بۆ ئەوەی لە کات و ساتێکی دیاریکراودا پرۆسەکە بەڕێوەبچێت.
رۆژی 27ـی ئەیلولی ئەمساڵ، فڕۆکە جەنگییەکانی ئیسرائیل بارەگای سەرەکی حیزبوڵایان لە باشووری بەیروت بۆردومان کردو  بەهۆیەوە حەسەن نەسروڵا، ئەمنیداری گشتیی حیزبوڵای لوبنان و ژمارەیەک لە هاوکارەکانی کوژران.