بەهۆى گرژییەکانی سوریاوە زیاتر لە ‌‎300‌‏ کەس ‏کوژراون و دەیان کەسیش برینداربوونە

چوار رۆژ بەسەر گرژییەکانی سوریادا تێدەپەرێت، سەرەتای گرژی و ئاڵۆزییەکان، بەهێرشی گروپە چەکدارەکانى نزیک تورکیا دەستیانپێكرد دوای ئەوەی هێرشیان کردە سەر شاری حەلەب لە باكووری سوریاو بەشێکی ‏شارەکەیان کۆنترۆڵکرد.
رووداوەكان بەرەبەیانی چوارشەممەی رابردوو دەستیان پێكردووە و لەئێستادا گەیشتووەتە دەوروبەری “حەما”.
شەڕ و رووبەڕووبوونەوەكان دۆخێكی نوێیان لە وڵاتەكەدا هێنایە ئاراوە، بەتایبەت لە حەلەب كە بەتەوای لەژێر دەسەڵاتی حكومەتی سوریادا بوو.
سوپای سوریا پێشتر رایگەیاند: كشانەوەی لە حەلەب بەمەبەستی ئامادەكارییە بۆ هێرشی پێچەوانە، بەڵام گروپە چەکدارەکان توانییان پاش كۆنتڕۆڵكردنی بەشێكی زۆری حەلەب، دەست بەسەر چەند شارۆچكەیەك لە دەوروبەرى حەما بگرن.
بەپێی ئامارەكان تائێستا 327 كەس لە هەردوو بەرەی شەڕ كوژراون، کە لە نێوانیاندا  سەرەڕای هاوڵاتییانی مەدەنی هەیە.