گرووپە چەکدارەکانی تەحریر شام چوونە نێو حەما

هاتنە ناوەوەی گرووپە چەکدارەکان بۆ نێو شاری حەما سەرسوڕمانەکانی سوریای زیاترکرد، ئەوەش لەسەر دەستی هەمان ئەو گرووپەی حەلەبی لە رۆژانی رابردوو کۆنترۆڵکرد، سوپای سوریا دانی بە لە دەستدانی حەمادا نا لەسەر دەستی چەکدارانی دەستەی تەحریر شام و کشانەوەشی لە پارێزگاکە راگەیاند.
دوای ئەوەی هێزە تووندڕەوەکانی ئۆپۆزسیۆنی سوریا چوونە ناو شاری حەما لە ناوەڕاستی سوریا، ڕایانگەیاند کە سەدان زیندانییان لە زیندانی ناوەندی شارەکە دەرهێناوە دوای ئەوەی زیندانەکەیان شکاندووە.
ئەو گروپانەی بەرەو شاری حمس، کە 150 کیلۆمەتر لە دیمەشقی پایتەختەوە دوورە کەوتوونەتە جوڵە، دوای ئەوەی سەرکردایەتی ئەو گرووپانە لە ئێوارەی دوێنێ، پێشڕەویییەکانیان بەرەو ئەو پارێزگایە ڕاگەیاند.
سەرۆکی روانگەی سوری بۆ مافەکانی مرۆڤیش ڕایدەگەیەنێت: قورسە تەحریر شام دەستی بە دیمەشق بگات.