حکومڕانی بنەماڵەی ئەسەد دوای نیو سەدە لە سوریا کۆتاییهات

گروپە چەكدارەكانی سوریا بە سەرۆكایەتی ڕێكخراوی تەحریر شام گەیشتنە ناو دیمەشقی پایتەختی سوریاو ڕوخانی حكومەتەكەی بەشار ئەسەدیان ڕاگەیاند و دەڵێن، "ئەم سەردەمە تاریكە لە سوریا كۆتاییهات و سەرەتای سەردەمێکی نوێ دەستپێدەكات".
لە راگەیەندراوێکدا ژوورى ئۆپراسیۆنە سەرلزییەکانی گروپە چەکدارەکان، رایگەیاند، "پاش 50 ساڵ لە ستەم لەژێر دەسەڵاتی بەعسداو 13 ساڵ لە تاوانکاریی و ستەمکاریی دەربەدەرکردن، پاش خەباتێکى درێژخایەن و رووبەڕووبوونەوە لەگەڵ هەموو جۆرەکانی هێزی داگیرکەر، ئەمڕۆ 8ـى 12ـى 2024 کۆتایی ئەم سەردەمە تاریکەو سەرەتای سەردەمێکی نوێ بۆ سووریا رادەگەیەنین."
ئاماژەى بەوەشکردووە، "لە سووریای نوێدا، هەمووان بە ئاشتی پێکەوە دەژین و نرخى هەموو سوورییەک دەزانرێت و شكۆى پارێزراو دەبێت. "
باس لەوەشکراوە"لاپەڕەى تاریکى رابردوو دادەخەین و ئاسۆیەکی نوێ بۆ داهاتوو دەکەینەوە".