وەزارەتی دارایی هەرێم لیستی مووچەی مانگی 12ـی رادەستی بەغداد كرد

وەزارەتی دارایی هەرێم لیستی موچەی مانگی ١٢ـی رادەستی بەغداد كرد، تا ئێستاش وادەی دابەشكردنی مووچەی مانگی ١٠ نادیارە.

وەزارەتی دارایی هەرێم لە راگەیەنراوێكدا ئاماژەی بەوەكردووە، ئەمڕۆ لیستی موچەی مانگی كانونی یەكەمی فەرمانبەران و موچەخۆرانی هەرێمی كوردستان، لەلایەن نوێنەری وەزارەتی دارایی و ئابووری هەرێمی كوردستانەوە رادەستی وەزارەتی دارایی حكومەتی فیدراڵ كرا.

رادەستكردنی لیستی موچەی مانگی ١٢ بە بەغداد لە كاتێكدایە تا ئێستا وەزارەتی دارایی لیستی موچەی مانگی ١٠ـی رانەگەیاندووە و دەڵێت، ئەو پارەیەی رەوانەكراوە كە بڕەكەی ٧٦١ ملیار دینارە بەشی موچە ناكات.

سەرچاوەیەكیش لە وەزارەتی دارایی هەرێم بە کەناڵی کەرکوکی راگەیاند، ئێستا گرفتەكانی بەردەم تەمویلكردنی موچە چارەسەركراوە و تا كۆتایی ئەمساڵ موچەی مانگەكانی ١٠ و ١١ دابەشدەكرێت