نرخی نه‌وتی خاو به‌رزبووه‌وه‌

نرخی نه‌وت له‌ بازاڕی جیهانیی به‌رزبووه‌وه‌و به‌راورد به‌ نرخی دوێنێ‌ هه‌ر به‌رمیلێك نه‌وت زیاتر له‌ دۆلارێك به‌رزبووه‌ته‌وه‌.
 
به‌گوێره‌ی بۆرسه‌ی جیهانی وزه‌ ئه‌مڕۆ 14ی كانونی یه‌كه‌می 2024 نرخی یەک بەرمیل نەوتی برێنت به‌رزبووه‌و لە ئێستاشدا بە 74 دۆلار و 49 سەنت مامەڵەی پێوەدەکرێت.

 هاوکات، نەوتی  تێکساس بەرێژەی 1.81٪ بەرزبووەوە و لە ئێستاشدا نرخی یەک بەرمیل نەوت بە 71 دۆلارو 29 سەنت مامەڵەی پێوەدەکرێت.

ئه‌مه‌ له‌كاتێكدا دوێنێ‌ 13ی كانونی یه‌كه‌می 2024 نرخی به‌رمیلێك نه‌وتی خاوی برێنت به‌ 73 دۆلار و 33 سه‌نت و نرخی نه‌وتی خاوی ته‌كساس به‌ 69 دۆلار و 95 سه‌نت بۆ هه‌ر به‌رمیلێك مامه‌ڵه‌ی پێوه‌ده‌كرا.