وەزارەتی بەرگری ڕوسیا ڕایگەیاند: 13 فڕۆکەی
بێفڕۆکەوان بەسەر دەریای ڕەشدا فڕیون و خراونەتەخوارەوە و 2 فڕۆکەش لەسەر سنوری
کورسک و بێلگۆرۆد خراونەتە خوارەوە.
ئەوەش دوای چەند سەعاتێک دێت کە سوپای ئۆکرانیا
ڕایگەیاند: بە فڕۆکەی بێفڕۆکەوان هێرشی کردوەتە سەر دامەزراوەیەکی نەوتی ناوچەی
ئۆریۆلی ڕوسیاو وێستگەیەکی کۆنتڕۆڵکردنی بەرهەمهێنانیان کردوه‌تە ئامانج کە
دەکەوێتە نزیکەی 170 کیلۆمەتر لە سنوری ئۆکرانیا کە سەرچاوەیەکی گرنگی دابینکردنی
سوتەمەنییە بۆ هێزەکانی ڕوسیا.
ئۆریۆل دەکەوێتە تەنیشت ناوچەی کورسکی ڕوسیا، کە
هێزەکانی ئۆکرانیا بەشێکی زەوییەکەیان کۆنتڕۆڵکردووە دوای ئەوەی کیێڤ لە مانگی ئابی
ئه‌مساڵدا هێرشی کردە سەر خاکی ڕوسیا.
Copyright © 2020 Kirkuk Tv All Rights Reserved Designed And Developed By AVESTA GROUP