سودانی داوایەک ئاڕاستەی سەرۆکی ئەنجوومەنی ئەوروپا و وڵاتانی ئەوروپی دەکات و دەڵێت دەبێت ئارامی و سەقامگیری رۆژهەڵاتی ناوەراست بەگشتی و عێراق و لوبنان و سوریا بەتایبەتی، بپارێزرێت.
محەمەد شیاع سودانی سەرۆکوەزیرانی عێراق، لە پەیوەندییەکی تەلەفۆنیدا لەگەڵ ئەنتۆنیۆ کۆستا سەرۆکی نوێی ئەنجوومەنی وڵاتانی ئەوروپا، پیرۆزبایی دەستبەکاربوونی لێکردو داواکارییەکیشی دەربارەی دۆخی رۆژهەڵاتی ناوەراست ئاراستەکرد.
هاوکات، سودانی داوای لە سەرۆکی ئەنجومەنی ئەوروپا کردووە، هەوڵەکانییان وەک وڵاتانی ئەوروپا بۆ سەقامگیربوونی ئارامی رۆژهەڵاتی ناوەراست زیاتر بخەنەگەڕ و هاوکاربن بۆ کوژاندنەوەی ئاگری جەنگ و ئاڵۆزییەکانی ناوچەکە، بەتایبەت دۆخی سوریا و لوبنان و عێراق.
لەبەرامبەردا سەرۆکی نوێی ئەنجومەنی ئەوروپا، بەڵێنی هاوکاری زیاتر و هەوڵی بۆ بەرەوپێشبردنی عێراق و ناوچەکەی، بە سەرۆکوەزیراندا.
Copyright © 2020 Kirkuk Tv All Rights Reserved Designed And Developed By AVESTA GROUP