مۆسیالا و بارین کێشەیان هەیە و بارساش چاوەڕوانە!

مۆسیالا و بارین کێشەیان هەیە و بارساش چاوەڕوانە!

یانەى بایرن میونشین و جەمال مۆسیالا تاکو ئێستا نەگەیشتونەتە رێکەوتن لەسەر نوێکردنەوەى بۆندەکەى نێوانیان و پێ دەچێت یانەکانى ریاڵ مەدرید و بارسێلۆنا سوود لە ناکۆکیەکان وەربگرن و هەوڵى پەلکێشکردنى ئەستێرە ئەڵمانیەکە بدەن ، ئەمەش ئیدارەى یانە باڤارییەکەى توڕەکردوەو لەئەگەرى ڕوودانى ئەو کارە دەترسێت.
باڤارییەکان هەوڵدەدەن پڕۆژەکەیان لە دەوری موسیالا بنیات بنێن، چونکە لە ئێستاوە بە یەکێک لە باشترین یاریزانەکانی جیهان دادەنرێت، بەڵام ڕەنگە شتەکان ئاڵۆزتر بن سەبارەت بە مانەوە، چونکە گرێبەستەکەی لە ساڵی ٢٠٢٦ کۆتایی دێت و چەند مانگێکی تر دەچێتە ساڵی کۆتایی.
تۆڕەکە ئاماژەی بەوەشکردووە، ناکۆکی لەنێوان موسیالا و بایرن هەیە سەبارەت بە مووچە و ماوەی گرێبەستەکە و زیادکردنی بڕگەیەکی سزا کە ڕێگە بە ڕۆیشتنی یاریزانەکە دەدات ، ئةو ترسەش لەوەوە سەریهەڵداوە کە مۆسیالا چەند جارێک ئارەزوى خۆى نیشانداوە بۆ یاریکردن لە ریزەکانى یانەى بارسێلۆنا و باسى لەوەکردوە کاتێک منداڵ بووە هەمیشە درێسى بارساى لەبەرکردوەو هاندەرى مێسى و نەیمار بووە .