بەڕێوەبەرایەتی گشتی هاتووچۆی عیراق ئاماری ڕووداوەکان و قوربانییانی هاتووچۆی لە ساڵی 2024دا بڵاوکردەوە و ڕایگەیاند: زیاتر لە سێ ملیۆن سەرپێچیی هاتووچۆ لە سەرجەم پارێزگاكان تۆماركراوە و نزیکەی پێنج هەزار ڕووداوی هاتووچۆش ڕوویانداوە، ئەمەش بەراورد بە ساڵی ڕابردوو كەمیكردووە.
ئەمساڵ چوار هەزار و 948 ڕووداوی هاتووچۆ لە سەرانسەری عیراق تۆماركراون كە بەراورد بە ساڵی ڕابردوو بەڕێژەی لە 30% ڕووداوەکان كەمبوونەتەوە.
ئەوەشیخستووەتەڕوو: بەهۆی ڕووداوەکانەوە 873 کەس گیانییان لەدەستداوە، بەراورد بە 2023 لە 37%ی قوربانییەکان کەمترن و سێ ملیۆن و 163 هەزار و 247 سەرپێچیش تۆمارکراون، ئەمیشیان بەراورد بە ساڵی ڕابردوو بە ڕێژەی 17% کەمی کردووە.
ڕاشیگەیاند: ئەمساڵ ملیۆنێك و 328 هەزار و 974 تابلۆی نوێی ئۆتۆمبێلیان بە شۆفێران داوە، داهاتی بەڕێوەبەرایەتییەكانی هاتووچۆی پارێزگاكانی عیراقیش لە پارەی ڕسومات و پێبژاردنی سەرپێچییەكان، 486 ملیار دینار بووە.
Copyright © 2020 Kirkuk Tv All Rights Reserved Designed And Developed By AVESTA GROUP