سێرجیۆ کۆنیساوى کارێکى کرد لە مێژووى میلان نەکرابوو!

سێرجیۆ کۆنیساوى کارێکى کرد لە مێژووى میلان نەکرابوو!
ئاکۆ بیبانى
سێرجیۆ کۆنیساوى پورتوگالى و راهێنەریی نوێى یانەى میلانى ئیتاڵى هەرزوو خۆى لەگەڵ یانەى رۆسۆنێرى گونجاندو دەستپێکێکى نمونەیی نەخشاند کە هەرگیز لە مێژووى یانەکە ڕووى نەدابوو ، وەچەرخانێکى گەورەیی مێژووى کرد و ئێستا ئۆڵتراسى میلان بەگەشبینیەوە دەڕواننە ئایندەى یانەکەیان و پێیان وایە لەدەستێکى پارێزراو و زیرەکدایە و داهاتووى یانەکە گەڕانەوە دەبێت بۆ سەردەمى زێرین .
سێرجیۆ کۆنیساوى پورتوگالى دوای تەنها 5 رۆژ  لە وەرگرتنى پۆستى راهێنەرایەتى کردنى یانەى ئەى سى میلانى ئیتاڵى ، دوو ئاڵنگارى زۆر قورسى تێپەڕاند و بردنەوەى بەسەر دوو ڕکابەرى مێژووی خۆیدا بەدەستهێنا ، ئەویش بەرامبەر بە یانەکانى یۆڤێنتۆس و ئینتەرمیلان بوو ، شەوى رابردو راهێنەرە پورتوگالییەکە لە دێربیەکى پڕ لە ڕکابەرى و تام و چێژدا ، لە دێربیەکى ماراسۆنى و دیراماتیکیدا ! دەستشکانەوەى لەگەڵ ئینتەرمیلانى رکابەرى سەرسەختى کرد و توانى ریمۆنتادا بەسەردا بکات و  بەسێ گۆڵ بەرامبەر بە دوو گۆڵ بردنەوە بەدەستبهێنێت و نازناوى جامى سوپەرى ئیتاڵى بباتەوە ، ئەمەش ژمارەیەکى پێوانەیی بووە ، نە لەمێژووى سێرجیۆ کۆنیساوى پورتوگالى ڕوویدابوو ، نە ئەى سى میلان ئەو مێژووەى بەخۆیەوە بینی بوو .
 راهێنەرە پورتوگالییەکە بووە خێراترین راهێنەر کە لەکەمترین یاریدا نازناو بباتەوە ، ئەمەش لە دوای ساڵانى 1929 -1930 .
ژمارەى پێشوو بە ناوى مۆنتێلاى راهێنەرەوە بووە کە لە ساڵى 2016 توانى دوای تەنها 18 یارى لەگەڵ یانەى ئەى سى میلان نازناوى سوپەرى ئیتاڵى بۆیانەکە بباتەوە .
یانەى ئەى سى میلان بەهۆى ئەنجامە خراپەکانى و نارازی بوون لە پلان و تەکتیکەکانى بڕیارى دا  پاولۆ فۆنسیکا لە ئەرکى مەشق و راهێنانى یانەکە دووربخاتەوە ، ناوى چەندین راهێنەرى گەورەو دیارى تۆپى پێ لەسەر مێزى گفتوگۆى یانەکە بوو ، دواجار تاجى راهێنەرایەتى لەسەر کۆنیساوى پورتوگالى کرا، ئەو راهێنەرەش بەتەواوى لەجێگاى ئیدارەى یانەکە بوو توانى هەرزوو خۆى لەگەڵ یانەکە بگونجێنێت و یەکەم نازناویش پێشکەش بە گەنجینەیی یانەى میلان بکات .